2023 жылғы қаңтар–қарашада кәсіптік, ғылыми және техникалық қызмет саласындағы негізгі капиталға инвестиция 77,6 млрд теңгеге жетті, бұл бір жыл бұрынғыдан ақшалай 70,5% көп (ФКИ — 162,2%, нақты өсім 62,2%).
Салыстыру үшін: 2022 жылдың сәйкес кезеңінде секторға салынған инвестиция 45,5 млрд теңгені құрады, бір жылда көрсеткіш 14,7% азайған.
Өңірлер бойынша кәсіптік, ғылыми және техникалық қызмет саласындағы негізгі капиталға салынған инвестицияның ең көп көлемі Алматы қаласына тиесілі: 17,9 млрд теңге — бір жыл бұрынғыдан ақшалай 2 есе көп.
Маңғыстау облысы екінші орында: 17,8 млрд теңге — бір жыл бұрынғы сәйкес кезеңмен салыстырғанда 8,5 есе көп. Үздік үштікті Астана жапты: 16,1 млрд теңге, жылдық өсім 56,1%. Республика бойынша секторға салынған барлық күрделі салымдардың 66,7%-ы алдыңғы 3 өңірге тиесілі.
Ең төменгі көрсеткіш Солтүстік Қазақстан облысында тіркелді: небәрі 48,2 млн теңге. Одан бөлек Павлодар мен Жетісу облыстарында да көрсеткіш аз.
Кәсіби, ғылыми және техникалық қызмет саласындағы негізгі капиталға салынған инвестицияның барлық дерлік көлемі — 94,8% немесе 73,6 млрд теңге кәсіпорындардың өз қаражаты есебінен қамтамасыз етілді. Жылдық өсім 77,1% құрады.
Банктік емес қарыз қаражаты 2,3 млрд теңге (бір жыл бұрынғыдан 3,2 есе көп), жергілікті бюджет есебінен — 1,4 млрд теңге (жылдық өсім — 3,6 есе), республикалық бюджеттен — 161,3 млн теңге (90,5% азайған), банк несиесі — 169,6 млн теңге (85,8% азайған).
Бұл ретте ҚР-да қаржыландыру көлемін арттыруды қамтамасыз ете отырып, қазақстандық ғылымды сапалы жаңа деңгейге шығару міндетін қойды, деп хабарлайды Хабар24. Егер 2022 жылы ғылымды дамытуға 70 млрд теңге бөлінсе, 2025 жылға қарай бұл көрсеткішті 643 млрд теңгеге жеткізу жоспарлануда.
