2023 жылғы қаңтар–желтоқсанда өмірді ерікті жеке сақтандыру* бойынша сақтандыру сыйлықақыларының түсімдерінің көлемі 225 млрд теңгеге жетті, бұл 2022 жылдың сәйкес кезеңімен салыстырғанда 19,8% артық. Барлық жиналған сақтандыру сыйлықақыларынан өмірді сақтандыру сыйлықақыларының үлесі бір жылда 20,9%-дан 18,9%-ға дейін төмендеді. Өмірді сақтандыру сыйлықақыларының үлесі екінші жыл қатарынан төмендеді. 2021 жылғы қаңтар–желтоқсанда олардың үлесі барлық сақтандыру сыйлықақыларының түсімдерінің рекордтық 21,8%-ын құрады. Салыстыру үшін: сонау 2017 жылы өмірді сақтандыру сыйлықақылары небәрі 8,8%-ды құраған.
* бұдан әрі — мемлекеттік білім беру жинақтау жүйесі шеңберінде өмірді сақтандыруды қоспағанда
Өмірді ерікті жеке сақтандыру бойынша сақтандыру төлемдерінің көлемі былтыр қаңтар–желтоқсанда 2,5 есе өсіп, 29,8 млрд теңгені құрады. Барлық сақтандыру төлемдерінің ішінде өмірді сақтандыру төлемдерінің үлесі де өсті: 6%-дан айтарлықтай 10,6%-ға дейін. Салыстыру үшін: сонау 2020 жылы олардың үлесі 3% болса, 2019 жылы небәрі 1,3% болған.
2023 жылы өмірді ерікті жеке сақтандыру нарығында тоғыз өмірді сақтандыру компаниясы (ӨСК) жұмыс істеді, өмірді сақтандыру бойынша барлық жиналған сақтандыру сыйлықақыларының 44%-ы — 99 млрд теңге олардың тек біреуіне — «Халық-Life» компаниясына тиесілі. Сыйақылардың айтарлықтай көлемін NOMAD Life (61,6 млрд теңге), «Еуропалық Сақтандыру Компаниясы» (27,1 млрд теңге) және Freedom Finance Life (24,8 млрд теңге) жинады. Қалған ӨСК жиынтықта 12,5 млрд теңгені немесе өмірді сақтандыру бойынша барлық жиналған сыйлықақылардың 5,6%-ын құрады.
Тоғыз ӨСК арасында 2023 жылдың қаңтар–желтоқсанында жеке өмірді ерікті сақтандыру бойынша сақтандыру төлемдерінің 84,9%-ы тек екі компанияға — «Халық-Life» (13,1 млрд теңге) және NOMAD Life (12,2 млрд теңге) компаниясына тиесілі. Одан кейін «Еуропалық Сақтандыру Компаниясы» және Freedom Finance Life: тиісінше 2,6 млрд және 1,7 млрд теңге. Қалған ӨСК-ге небәрі 225,3 млн теңге тиесілі.
