Биыл қыркүйекте кабельдік телевизия қызметі бір жылда 3,3% арзандады. Бұл ретте еліміздің 20 өңірінің 12-де баға өзгерген жоқ. Бағаның төмендеуі Алматыда (10%) және Шығыс Қазақстан облысында (3,7%) ғана байқалды.
Бұл ретте бес облыста кабельдік телевизия қызметінің қымбаттауы байқалды: Қарағанды, Павлодар, Жамбыл, Ұлытау және Маңғыстау облыстары.
Өз кезегінде спутниктік телевидение қызметі бір жылда 6,1% қымбаттады. Бағаның ең көп өсімі Атырау (36,1%), Абай (19,6%) және Шығыс Қазақстан (17,4%) облыстарында байқалды.
Қазақстандағы телевизия қолжетімділігі бойынша жағдай мынадай: қазақстандықтардың басым бөлігі кабельдік телевизия қызметін пайдалануды жөн көреді. Кабельдік телевизия пайдаланатын үй шаруашылықтарының үлесі 2022 жылдың соңында 43,3% болды. Бұл ретте үй шаруашылықтарының 32,2%-ы спутниктік телевизия қызметін пайдаланды. Қазақстандық отбасылардың 24,5%-ы эфирлік телевизия қызметін пайдаланады.
Өңірлер бойынша спутниктік телевизияның ең үлкен үлесі Алматы (65,3%), Жамбыл (54,9%) және Солтүстік Қазақстан (54,9%) облыстарында.
Кабельдік телевизия ең көп тараған өңірлер Алматы (84,5%), Астана (76,3%) қалалары және Павлодар облысы (65,6%).
Ұлттық Медиа Қауымдастықтың биылғы 2–8 қазанындағы мәліметінше, отандық арналар арасында еліміздегі ең танымал телеарна 1,08% рейтингімен «Еуразия» бірінші арнасы болды. Екінші және үшінші орындарда КТК мен Astana TV. Үздік бестікке Qazaqstan мен НТК да кірді.
Бағдарламалардың апта сайынғы рейтингі сәрсенбі күні КТК арнасының «Новости» телекөрермендер арасында ең танымал болғанын көрсетеді. Екінші және үшінші орындарды «Еуразия» бірінші арнасындағы «Главные новости» және «Басты жаңалықтар» алды.
